رحله حقيقية ذاتيه خاصة مصممة لي .. بعد كل جلسه أشعر إني أهدى و أقرب لنفسي .. و المشاكل و الصراعات اللي كنت أعاني منها شوي شوي صارت أقل لما واجهتها مع نفسي بدون لا أكلم الطرف الآخر .. ولما واجهتها مع نفسي الناس اللي حواليني تغيرت نظرتي لهم و تغير سلوكهم معاي بدون لا أواجههم بأي كلمة

أمل-

اشعر بالراحة أكثر ، أفكاري أقل ، مستمتعة باللحظة و بالأشياء اللي عندي ، مركزه على نفسي أكثر و قاعده أفهمها أكثر ، صرت أفرق بين الأصوات اللي داخلي . صرت متأنيه أكثر . وهذا الشي أثر بشكل إيجابي علي وعلى علاقاتي بالناس اللي تهمني

مروه -

تجربتي حقيقية .. ساعدتني أشوف الأماكن اللي فيها جروحي ، و أفهم سببها و أواجهها بحب ورحمة و صدق من داخل بيت النفس .. بمجرد إني أدركتها و عرفت رسالتها ، و إتخذت القرار الصح .. الدنيا تنور أكثر ، و حياتي تصير ألطف

مضاوي -

تعلمت ان لما أكون في موقف مزعج.. معناها لازم أعمل شيء . لازم أواجهة ، إذا ما واجهته و عملت دوري ، يا يتم الوضع مثل ما هو أو يصير أسوأ. الدعاء لله و التوكل عليه و طلب الاعانه مهم و لكن كذلك اتخاذ خطوه عمليه مهم جدا للحصول على النتيجة المرجوة

لطيفه -

عرفت إني ما كنت أعرف نفسي الحقيقية.. كنت عايشه بوهم أفكاري .. وضميري الحي اللي يأنبني على كل شيء.. و عبالي هذي حياتي وواقعي

هيا -

كلمة حق اقولها لك إيثار، انا اخصائية نفسية ودارسة بأحسن الجامعات في أمريكا ورحت حق وايد معالجين بالعالم.. بس ماشفت نفس اللي تعطينه، هذا غير ، ربي عطاك بصيرة والله يبارك لك فيما وهبك

دانه -

العلاج الممتع، ما كنت اتخيل رحلة العلاج و التشافي تكون من امتع محطات حياتي.. كنت رايحه حق ايثار مع خوفي و حزني وتوتري شايله معاي هم من صنع مخي..اكتشفت بهالرحله طريقه اسيطر فيها على طريقة تفكيري ..اللي نقلني من شخص مريض و متضايق الى شخص منطلق..و اعتبر هالرحله بداية الانطلاقه...اللي حبيته اني كنت انا اللي احلل و انا اللي اكتشف و انا اللي اقرر..ماكان في قيود و اكتشفت نفسي اكثر عن طريق الكتابه و الاسئلة

أسماء -